Du jinên 90 salî li devê derî bi hevre rûniştibûn û sohbet dikirin.

Pîra Sarê: Hevjînê min van rojan adeteke gelekî nebaş hîn bûye. Nenûkên destên xwe dixwe. Ez çawa dikim ew dest ji vê adetê bernade. Ew yek min pir aciz dike.

Pîra Hilwa: Wele tu mafdarî, carekê hevjînê min jî ew adet lê peyda bûbû lê min pê da terkirin. Bi wê rêbazê êdî min pêşiya wê adeta nenûkxwarinê girt.

Pîra Sarê: Ez di bextê te de me te çi kir, ji min re bêje.

Pîra Hilwa: Ez ê bêjim lê wiha belaş nabe, divê tu hinek ji wan mewîjên xwe yên xweş bidî min.

Pîra Sarê: Heyra ez soz didim te ku ez ê sibê bi xwe kulmek ji wan mewîjan ji te re bînim.

Pîra Hilwa: Rêbazeke baş û gelekî hêsan e. Min taximê diranê wî veşart û wiha ez ji wî derdî xelas bûm.