KCDK-E da zanayene ke 12ê teşrîna peyêne de bajarê Dusseldorfî yê Almanya de vera çekê kîmyewî rayraşîyayîş do bibo.

Hemserekîya KCDK-E bi eşkerayîyêke dîyar kerd ke înan roja 12ê Teşrîna Peyêne ‘Ewropa de Roja Grevê Neteweyî yê Vera Çekanê Kîmyewîyan’ îlan kerda û seba rayraşîyayîşê Dusseldorfî yê 12ê teşrîna peyêne  veng da.

Eşkerayîye de ame vatene ke şarê kurdî prosesêkê îstîsnayî ra derbaz beno û dewleta tirke seba ke kurdan qir bikera bi her hawayî hêriş kena. KCDK-E da zanayene ke dewleta tirke pê çekanê kîmyewîyan hêrişê gerîlayanê ke temsîlkar û hêvîyê kurdan ê, kena û wazena ameyoxê kurdan bi nê hawayî çin bikera.

KCDK-E vat: “Ganî ma 12ê teşrîna peyêne de qetî şorê Dusseldorfî û bibê nefesê gerîlayanê azadîye. Coka ma 12ê teşrîna peyêne sey ‘Ewropa de Roja Grevê Neteweyî yê Vera Çekanê Kîmyewîyan’ îlan kerde. 12ê teşrîna peyêne de kurdistanijî, cinî, ciwan, kokim, wendekar, dikandar, komê bawerî, roşnvîr, sosyalîst, demokrat û her kes ma karê xo war verdê û bikewê waran. Ma venga şarê kurdî danê ke Dusseldorf de bibê. Vera bêvengîya OPCW, Yewîya Ewropa, Neteweyanê Yewbîyayeyan û hêzanê mîyanneteweyîyan ganî ma bibê qîrayîş û nefesê gerîlayan.”