Nuştoxo kurd Mehmud Nêşiteyî vizêr dinyaya xo bedilnaye. Ey bi kirmanckî xebatê erjayî kerdî.
Nuştox Mehmud Nêşite vizêr Amed de şî heqîya xo. Ey Grûba Xebate ya Vateyî de xebatê ziwanê kirmanckî rayra berdêne. Nêşite serra 1945î de dewa Dikî ya qezaya Licê ya Amedî de ame dinya. 1963 de dest pê mamosteyîye kerd. 1980 de ame nefîkerdene bi Çorum. Uca de mamosteyî ra ame eştene, la bado agêra karê xo. Serra 1994î de bîyo teqawut. Partîya Demokrasîya Şarî (HADEP) û Partîya Demokratîke ya Şarî (DEHAP) de polîtîka reyde eleqedar bî.
Nuştox Nêşiteyî bi kirmanckî hîkaye û meqaleyî nuştêne. Mîyanê xebatanê ey de eserê sey Qehramanîya Vîta Zingure, Biza Kole Asnawî Kena, Luya Rîsîyaye û Ap Elî, Çakêto Sipî estê.
