Qezaya Bismilî ya Amedî de cayê gorê komkî de hetê qeyûmî ra hope û parke yenê viraştene.

Badê ke xebera ‘Binê qereqolî de gorê komkî dîyayî’ ANF de weşanîye û xeylêk eleqe dî, 75 esteyê merdiman hetê şaredarîye ra teslîmê dozgerîye ameyî kerdene û dima goristanê Akpinarî de ameyî definkerdene. Warê qereqolî zî bi betonî ame qefilnayene.

5 mengan ra dima Şaredarîya Bismilî ya qeyûmî warê gorê komkîyî de dest pê viraştişê hawuz û parke kerd. Nêzanîyeno ke wextê nê xebatan de zî esteyê merdiman ameyê dîyenê yan nê.

Qeyûmê Bismilî Hakan Zengînceyî seba parke vat: “Bi projeyê xo ma do qeza hîna rind bikerê. Qezaya ma rê fîraz bo.”