Civatbîyîş, hetê senînîye (nîtelîk) ra taybetîyêka serekîye ya însanan a û dormeyê cinîye de, ameyo awankerdene. Hîmêy bingeyînî yê civatbîyişî cinî û xozaye yê. Pergala camêrdîye ke dime ra ro pergala kapîtalîste agêra, ney esasî ser o xo birayvistin kerd. Bi serdestîya ro ser cinîyan nîmeyê civatî ame kolekerdene. Xoza zî seba cuwîyeyê xodomnayîşê civatî, nêbo nêbena. Bi no sebeb nêy her didi hîmêy esasî hedefa êrîşanê pergala camêrdîye-modernîteya kapîtalîste yê.

Pergala kapîtalîste seba domnayîşê menfîetanê xo, perçekerdişê civatî esas gêna. Dişmena tewir pîle ya civatbîyîş û xozaye, pergala camêrdîye û modernîteya kapîtalîste yê. Civat esasanê zeypêyîye sero barrekerdiş, exlaq, çand û hewceyîyanê xo dano domnayene. Nêy esasî sîgortaya xodayîşcuwîyayîşê civatî yê. Gama ke civatî nêy esasan ser o estbîyayîşê xo bidomnê, pergala kapîtalîste nêşikena heme zext û zordestîyanê xo ro civatî bida ferzkerdene. Bi no sebeb zî gere civat bêro perçekerdiş. Reyna civat xeylê xisûsîyetanê xo xoza û dormeyî ra gêno. Seba çinêkerdişê ney xisûsîyetan ke di serre de hafizaya civatî û erjê têreyde cuwîyayîşî yenê, menfîetanê aborî keno mehne û êrîşê xoza zî keno. Eke civat xozaya xo ra ame aqeternayîş kamî, hafizaya tarîxî û erjanê xo ra zî yeno aqeternayîş. No aqeterîyayîş civatî keno xerîbê xo.

Heke merdim ewro biewno qewemîyayîşanê ke hetê îşxalkeran ra Kurdistanî de yenê pêkardene, merdim nêy raybazan û na polîtîka zafêrî baş vîneno. Îşxalkerê Kurdistanî di her cayî de na polîtîka esas gênê û êrîşê cinî û xoza kenê. Ewro tenê Vakûrî de nê, seranserê Kurdistanî de xoza bi nêy êrîşan reyde rî bi rî ya. Her çende mehneyê cîya cîyayî yenê nîşandayîş zî mexsedê nêy talanî erjanê têreyde cuwîyayişî ra aqeternayîşê civatî yo. Bi vatişêko kilm vengkerdişê Kurdistanî û kokê xo ra qutkerdişê civat û şarê kurdî yo. Şaro ke kokê xo yanê xozaya xo ra bêro qutkerdene, estbîyîş û kamîya xo ra yeno qutkerdene. Dewleta tirke û çeteyanê xo di Efrîne de di serre de êrîşê xoza kerd û xozaya Efrîne talan kerde. Reyna Vakûrî de Dêrsimî ra heta Botan, heman çî yeno kerdene. Vaşûrê Kurdistanî de xoza bi bombeyanê kîmyewî, birrnayîş û veşnayîş yena çinêkerdene. Dewletê bînî êy îşxalkerê Kurdistanî zî heman polîtîka domnenê.

Êrîşê verva cinîyan êy îşxalkeran zî di heman çarçova de yê. Mexsedê êrîşê vera cinîyan şikitişê îradeyê civatî yo. Na polîtîka zî raybazêka serekîye ya dewletanê îşxalkeran ê ke giredayeyê modernîteya kapîtalîste yê. Çeteyanê DAIŞî Şengale de vernî êrîşê cinîyan kerd û bi hezaran cinîyî remnayî. Dewleta tirke Vakûrî ra heta Vaşûr û Rojavayî, êrîşê cinîyan kena. Hevrîn Xelefe ra heta fermandaranê YPG û HSDyî cinîyî di hedefa dewleta tirke de yê. Dewleta Îranî seba di bin kontrolî de girotişê civatî di binê nameyê exlaqî de êrîşê cinîyan kena. Jîna Emînî û aye ra ver xeylê cinîyî ameyî qetilkerdene.

Nêy êrîşî bi temamî tersê cinîya azade ra yê. Eke di civatêke de cinîye azade biba, tu hêzêke nêşikena bi ey civatî kaye bikero û têk bero. Têgêrayîşê Azadîya Kurdistanî nimûneyo tewir verbiçim yê na raştîye yo. Sloganê “Cinî, Cuwîye, Azadî” sloganêko rêze ra nîyo. Ewro no slogan di serre de Rojhelatê Mîyanênî de hemeyê dinya de bîyo ûmûdê azadîye yê cinîyan û şaranê bindestan. Têgêrayîşê Azadîye bi no sebebî ra vano “PKK partîya cinî û ciwanan o, Şoreşa Rojawayî Şoreşa Cinîyan a”.

Şengala ke 73 fermanan ra derbas bîye de bi hezaran cinîyî bi felsefeya ney sloganî di mîyanê YJŞyî de ca gênê û artêşa cinîyan awan kerde. Rojawayî de bi hezaran cinîyê ereban ke nêşikayêne keyeyanê xo ra bivecîyê, ewro di mîyanê refanê YPJyî de verva êrîşê çeteyan û dewleta îşxalkere bi awayêko serkewte tekoşîn danê. Bi ney sloganî ewro hîmê rejîmê Îranî yenê lerznayene. Aşmêke yo dewleta Îranî bi heme hovîtî û hêza xo êrîş kena, la nêşikena xoverdêrîya ke bi verkêşîya cinîyan yena dayene, kontrol û bi peynî bikera. Sloganê “Cinî, Cuwîye, Azadî” ewro seranserê cîhanî de bîyo ûmûdê azadîye yê cinîyanê dinya û şaranê bindestan. Felsefeya Rayverê Şarê Kurdî û Tespîtê Têgêrayîşê Azadîya Kurdistanî yê “Seserra 21. do biba seserra cinîye”, her roce di pratîkî de yenê îspatkerdene. Seba ameyîyêka di mîyanê aştî û azadîye de “Cinî, Cuwîye, Azadî.”