Cenazaya Nagîhan Akarsele ver bi Konya kewte rayîr û keyeyê ci serweşîye qebul keno.
Endama Merkezê Cigêrayîşî yê Jineolojî û Edîtora Kovara Jineolojî Nagîhan Akarsele 4ê teşrîna verêne de Silêmanî de hêrişêkê çekdarî de amebî qetilkerdene. Cenazaya Akarsele hetê cinîyan ra ver bi Silêmanî bi sloganê ‘jin, jiyan, azadî’ ameye erşawitene bi Konya.
Wina pawîyeno ke cenaza siba do biresa Anqara û bêra berdene bi Dezgehê Tipê Edlîyî (ATK). Uca ra zî cenaza do bierşawîya taxa Golyazi (Xelikan) ya qezaya Cîhanbeylî ya Konya.
Definkerdişî ra verî keye û embazanê Nagîhan Akarsele keyeyo ke Akarsele tede dadîya xo ra bîya de ‘goşeyê Nagîhane’ amade kerd. Merasîmê yadkerdişî de fotografê Nagîhan Akarsele ronîyayî, findî ameyî tavistene û qeranfîlî ameyî ronayene.
Keyeyê Nagîhan Akarsele Golyazi de serweşîye qebul keno.
