26ê êlule de qezaya Mezîtlî ya Mêrsînî de verva merkezê muhîmî yê dewleta tirke çalakîyêke ameye rodarvistene. Merkezê Resnayîş û Çapemenîya HPGî pare kerd ke, gerîlayê fedaîyî Sara Goyî û Rûken Zelale seba cewabdayîşê hêrişê bi sîlehê kîmyewî yê verva gerîlayan û hêrişê verva xoverdayîşê zîndanan na çalakî pêk ardê.

Dewleta tirke atmosferêke wina awan kerd ke zê ke ê welatî de heme çîyan vînenê û her cayî de ajanê înan estê. Nê di gerîlayê cinîyî Sara û Rûkene koyan ra ameyî war, tora îstîxbaratê tirkî ra vîyartê û verva polîsan çalakîyêke pêk ardê. Na çalakî mîyanê rayedar û îstîxbaratê Tirkîya de panîk û tersêko pîl awan kerd. Rayedaran seba ke tersê xo bilimnê, di vernî de vatê ke înan kamîya kesanê ke çalakî pêk ardê tesbît kerdê.

Înan nameyê Zozan Tolane da û waştbî îstîxbaratê xo sey bihêz binawnê. La eşkerayîya HPGî reyna veng vet. Bi goreyê HPGî eleqeyê Zozan Tolane bi çalakî reyde çin o. Heta ke HPG eşkerayî da, dewleta tirke kamîya gerîlayanê ke na çalakîye rodarvistbî nêzanayêne. Tenê yew senaryo nuştbî. No yew nawneno ke îstîxbaratê tirkî verva gerîlayan çend zeyîf o.

Na çalakî, çalakîya Zîlane ya 30ê hezîrana 1996î ya Dêrsimî ana vîrî. Zîlane zî bi hawayêkê profesyonelî îstîxbaratê tirkî derbas kerd û mîyanê merasîmê artêşa tirkî de çalakî pêk ardbî. Zîlane bi na çalakîya xo cewab dabî komplogeran û Kurdistan de bingeyê ruhê fedaîyî ser o pêvajoyêko newe amebî avervistiş.

Şaro kurd ewro qirkerdişî reyde rîbirî yo. Verva xoverdayoxanê zîndanan zext û îşkence esto, ciwan û cinîyê kurdî hem hetê ruhî û hem zî hetê fîzîkî ra yenê qetilkerdene. Verva gerîlayan zî her roce sîleh û bombeyê kîmyewî yenê bikarardene. Verva nêy heminan, gerîla Sara û Rûkene xeta Zîlane ser o xo seba şarê kurdî feda kerd û cewab da heme hêrişan. Înan na peyamêke daye: Hêrişî senî benê wa bibê, ewladê qehremanî yê kurdan do bi heqîqetê Zîlane û bi ruhê fedaî heme hêrişan têk berê. Û hêvîya azadîye ya şarê kurdî bi serkewtişî tacîdar bikerê.

Sara û Rûkene rûmetê şarê kurdî yê…