Roja ke Nagîhan Akarsele ameye qetilkerdene Musteşarê MÎTî Hakan Fîdanî Serekîya Hewlêrî ya Cepheyê Tirkmenan ê Iraqî (ITC) zîyaret kerd.
Serekê ITCyî Hasan Turanî fotografê pêvînayîşî hesabê xo yê medyaya dîjîtale de vila kerdî.
Turanî vat: “Serekê ITCyî Hasan Turanî endamanê Buroyê Sîyasî yê ITCyî reyde Serekîya Hewlêrî de Musteşar Hakan Fîdan pêşwazî kerd.”
Hakan Fîdan wextêkê dergî ra nata pêvînayîşan keno. Nêzanîyeno ke nê pêvînayîşan de bazarîya çita yena kerdene.
Fîdanî 11ê êlule de zî Bexdad de Serekkomarê Iraqî Berhem Salîh, Serekwezîr Mustafa El-Kazimî û Serekê Sunnîyan Hamîs Hançerî reyde zî pêvînayîş kerdbî.
Cepheyê Tirkmenan o ke pê nîjadperestîya xo zanîyena, hetê dewleta tirke ra yeno çekdayene.
Serekê verênî yê ITCyî Ersed Salîhîyî zî verî îdîa kerdbî ke ‘ê do Kerkûk bivisnê binê kontrolê xo.’
