Konseya Rayberdişî ya KNKyî hukmatê Paşînyanî yo ke gerîlayî teslîmê Tirkîya kerdî şermezar kerd.

Konseya Rayberdişî ya KNKyî bi eşkerayîyêke seba ke hukmatê Paşînyanî yê Armenîstanî gerîlayî Atîla Çîçek (Leheng) û Huseyîn Yildirim (Alîşêr) teslîmê Tirkîya kerd nêrazîbîyayîşê xo mojna.

KNKyî vist vîrî ke wird gerîlayî hetê mehkemeya Armenîstanî ra vera dîyabî û seba ney înan zî xîret kerdbî.

KNKyî eşkerayîya xo de ard ziwan ke hukmatê Paşînyanî bi hawayêkê bêusulî dewleta tirke de têkilîye naye ro û wird şerwanê kurdî bi hawayêkê îlegalî teslîmê MÎTî kerdê.

KNKyî vat: “Îstîxbaratê Armenîstanî bi nê kerdişê xo bî baskêka MÎTî. Hukmatê Paşînyanî zî şarê armenî û kurdî rê îxanet kerd. Hukmatê Paşînyanî bi nê tewirê xo qirkerdişê vera armenîyan ê 1915î qebul kerdo û îşxalkeranê Qerebaxî rê hemkarîye kerda. No kerdiş xîretê rijnayîşê pirdê dostanîye yê kurdan û armenîyan o. Bi na wesîle ma hukmatê Armenîstanî şermezar kenê. Ma venga şarê armenîyan danê ke vera hukmatê Paşînyanî vengê xo vejo û Armenîstanî xayînan ra bixelisno.”