Têgêrayîşê Ekolojî yê Mezopotamya ard ziwan ke heta ke Kurdistan de talan û kolonyalîzm biqedê têkoşîn do dewam bikero.

Têgêrayîşê Ekolojî yê Mezopotamya derheqê Rayraşîyayîşê Cûdîyî yê 17ê êlule de eşkerayîyêke daye.

“Sîstemo faşîst ê qirkerdişî yo ke her warî de Kurdistanî kolonyalîze keno û xoza talan keno, qirkerdişê xo ardo asta tewr cêre. Bi bahaneyanê asayîşî di serrî yo Şirnex zî tede xeylêk şaristananê Kurdistanî de darî birîyenê û ekosîstemê Kurdistanî rijîyeno. La vera birîyayîşê daran tewirêko komelkî esto û têkoşîno huqûqî yeno kerdene. Darê ke birîyenê bi kamyonan verê komelî ra yenê berdene bi şaristananê bînan û roşîyenê. Nê darî bi destê dewlete û cerdevanan birîyenê. Vera nê qirkerdişî, qedexe û astengîyan zî 17ê êlule de ma Cizîre de kom bîyî.

Ma vera şerî seba aştîye qîrayî û ma dîyar kerd ke ma do her dare bipawê. Ma a roje pîya bîyî. Eke ma bibê yew ma do bieşkê ser bikewê. Ma pêro dezgeh û komeleyan rê sipas kenê ke a roje paştî daya ma. Heta ke talan û kolonyalîzm biqedê têkoşînê ma do dewam bikero.”