Endamo verên ê Meclîsê Partîye yê DBPyî Mehmet Candemîr Zîndanê Espîye yê Gîresunî de ame qetilkerdene.
Hemsereko verên ê Partîya Herêmanê Demokratîkan (DBP) û Endamo verên ê Meclîsê Partîye yê DBPyî Mehmet Candemîr (60) Zîndanê Espîye yê Gîresunî de ame qetilkerdene.
Îdareyê zîndanî keyeyê Candemîrî rê telefon kerd û îdîa kerd ke Candemîrî krîzê qelbî ra dinyaya xo bedilnaye. Keyeyê Candemîrî xebere ser o Êlih ra kewt rayîr. Cenaza do Êlih de goristanê Asrî de bêra definkerdene.
Birayê Candemîrî Ahmet Candemîrî da zanayene ke ey kekê xo de roja îneyî pê telefonî qisey kerdbî û o çax rewşa ey hol bibîye.
Mehmet Candemîr babîyê çar domanan bî û 4 serrî yo zîndan de tepişîyayêne. Candemîr 2016 de bi îdîaya ‘hetkarî û endamîya rêxistine’ tepişîyabî û ci rê 2021 de cezaya zîndanî ya 17 serran û 6 mengan dîyabî.
