Kesek di destê wî de çek hebû xwest bikeve Edliyeya Îzmîrê ya ku danişîna Doza Denîz Poyraz lê tê lidarxistin.

Çaremîn danişîna doza Denîz Poyraz a kujerê wê Onûr Gencer jê tê darizandin, li 6’emîn Dadgeha Cezayê Giran a Îzmîrê tê lidarxistin, dest pê kir. Dema ku danişînê dest pê kir kesekî ku di destê wî de çek hebû xwest bikeve edliyeyê û ev tişt got: “Ez ê we gule li hemûyan bireşînim.”

Polîsan mudaxale nekir

Li gorî nûçeya ku Ajansa Mezopotamyayê derbas kiriye, polîsan mudalxeyî êrişkar nekiriye û kesên ku tev li danişînê bûne bertek nîşanî vê helwesta polîsan a li dijî êrişkar dan.

Derdê êrişkar!

Li ser berteka hat nîşandan polîsan piştî demekê êrişkar binçav kir. Di dîmenên ku hatin belevakirin de hat dîtin ku êrişkar ev gef dixwin: “Ez nijadperest im. Jixwe em ne eynî ne. Polîs û leşker canê me ne. Min nekişînin. Derdê min çî ye derdê we çî ye.”