Rojnamegera hollandayije Frederîke Geerdînka ke waşt Hewlêrî ra ravêra Rojawanî bi destê PDKyî ra yena tebersînor kerdene.
Hêzê PDKyî rojnamegera hollandayije Frederîke Geerdînka ke waşt Hewlêrî ra ravêra Rojawanî verî vindarnaye nika zî wazenê tebersînor bikerê.
Rojanmegera hollandayije Frederîke Geerdînka ke bi serran o Kurdistan û kurdan ser o cigêrayîşan kena hesabê xo yê twitterî ra da pêhesnayene ke a hela ke ravêrtêne Rojawanê Kurdistanî ameye astengkerdene û peyser şawîyaye Hewlêrî.
Geerdînke vat îdareyê Hewlêrî a sey ”kesa ke nîna waştene” name kerde û seba ke aye tebersînor bikerê berde meydanê teyarayan ê Hewlêrî.
Frederîke Geerdînke seba ke hemkarîya PDK û dewleta tirke rexne kerdbî bi îdîaya ”propagandaya rêxistine” hetê selahîyetdaranê tirkî ra cayê roniştişê ci Sûrê Amedî ra amebî tebersînorkerdene.
