Ma no hewte Aysel Dogane kenê mêymanê xo ke aye seba azadîya şarê kurdî bi serran xover da. Aysele cinîyêka xoverdayox û serewedaritoxe ya Dêrsimî bîye ke vera zulmî sere wedarit. Azadîye ra ber yew xeyalê aye çinî bi. Aye tim seba cuya azade têkoşîn kerd. Aye Kurdistan û teberê welatî de bi serran xeylê waran de xebirîyaye. Seba azadîya cinîyan bê hesabêkî tewrê xebate bîye. Xeylê kede daye, erjê pîlî afernaye û seba serkewtişê Têkoşînê Azadîya Cinîyan pêro mesuldarîyê xo arde ca. Aysele vera sîstemê cînsîperestî, qirker û dişmenî serkêşîya xoverdayîşêkê radîkalî kerde û seba girdkerdişê têkoşînê cinîyan safanê vernîyan de bê tesr ca girewte.