Hevserokê Komeleya Rojnamegeran a Dîcle Firatê (DFG) Serdar Altan, Midurê Karên Nivîsan ê Rojnameya Xwebûnê Mehmet Alî Ertaş, Midura JINNEWS’ê Safiye Alagaş, edîtora JINNEWS’ê Gulşen Koçûk, edîtorê Ajansa Mezopotamyayê (MA) Azîz Orûç jî di nav de 20 jê rojnameger 22 kesên ku ji 8’ê hezîranê ve di bin çavan de bûn sewqî edliyeyê hatin kirin.
22 kesên 8 roj bûn li Miduriyeta Polîsan a Amedê dihatin ragirtin, di girtina îfadeyan a miduriyetê de mafê xwe yê neaxaftinê bikaranîn. Tê payîn ku wê dozgerî îfadeya 22 kesan bigire, ku 20 ji wan rojnameger in û 8 roj in li Amedê di bin çavan de tên ragirtin.
Navên 22 kesan ev in:
Navên 20 jê rojnameger 22 kesên di bin çavan de wiha ne: Hevserokê Komeleya Rojnamegeran a Dîcle Firatê Serdar Altan, Midurê Karên Nivîsan a Rojnameya Xwebûnê Mehmet Alî Ertaş, nûçegihanê Xwebûnê Zeynel Abîdîn Bulut, Midura JINNEWS’ê Safiye Alagaş, edîtora JINNEWS’ê Gulşen Koçûk, edîtorê Ajansa Mezopotamyayê (MA) Azîz Orûç û rojnameger Omer Çelîk, Lezgîn Akdenîz, Mehmet Şahîn, Sûat Dogûhan, Ramazan Gecîken, Neşe Toprak, Îbrahîm Koyûncû, Esmer Tûnç, Mazlûm Dogan Guler, Elîf Ungur, Remziye Temel, Abdurrahman Oncu, Kadîr Bayram, Mehmet Yalçin, Feynaz Koçuk û Ihsan Ergulen.
