Qezayanê Xozat û Pulurî yê Dêrsimî de çarçewa operasyonê leşkerî de dormeyê dewan dîya bombayan ver. Dewijê ke serê ci de bombayî varenê qesawet kenê.
Dêrsim de operasyono ke bi nameyê ‘Eren Abluka-7’ yo ke xeylêk wext o dîyayo destpêkerdene dewam keno. Qezayanê Xozat û Pulur de çarçewa operasyonê leşkerî de dormeyê dewan dîya bombayan ver.
Vizêr reyna dormeyê dewanê Kakper, Zoxar, Kizil Kîlîse û Çamurekî pê droneyan bi hawayêkê giranî dîyayî bombayan ver. Eynî cayî çend roje verî zî hetê helîkopteranê leşkerîyan ra ameybî bombardumankerdene.
Dewijê Kakperî yê ke dewa ci serranê 90yan de ameyebî vengkerdene û di serrî yo agêreyê dewa xo ard ziwan ke rîyê bombardumanî ra ê semedê ganê qesawet kenê.
