Keyeyê Gulîstan Dokuyo ke vizêr Meydanê Seyîd Rizayî de çalakîya roniştişî kerde ewro verê Walîyîya Dêrsimî de do çalakîya xo dewam bikero.
Wendekara Zanîngehê Munzurî Gulîstan Doku ra 5ê çeleyê 2020î ra nata xeberêke nêna girewtene.
Keyeyê Gulîstan Doku babîyê ci Halît, dadîye Bedrîye û Aygul Doku Meydanê Seyîd Rizayî de çalakîya xo ya roniştişî qedînaye.
Keyeyê Gulîstan Doku, Parlamentera Partîya Karkeran a Tirkîya (TÎP) Sera Kadigîl, Parlamentera HDPyî Dilşat Canbaze, temsîlkarê partî û rêxistinan û wendekarê Zanîngehê Munzurî Kuçeyê Hunerî de kom bîbî û heta Meydanê Seyîd Rizayî şîbî. Dima keyeyî tîya de dest pê çalakîya roniştişî kerdbî.
Babî û dadîya Gulîstane ewro do verê Walîyîya Dêrsimî de çalakîya roniştişî bikerê.
