Çalakiyên gerîlayên azadiya Kurdistanê yên li dijî dagirkeriyan didomin. Di çalakaiyan de 15 leşker hatin kuştin. Li gorî nûçeya ANF’ê daxuyaniya Navenda Ragihandin û Çapemeniyê ya HPG’ê wiha ye: “Li herêmên Zap û Avaşînê li dijî êrişên dagirkeriyê yên artêşa tirk a mêtinger, berxwedana dîrokî ya hêzên me dewam dike. Hêzên me di nava şert û mercên herî giran de bi ruhê fedaî yê Apoyî li ber xwe didin, şer dikin û derbên giran li dagirkeran dixin. Artêşa Tirk a dagirker li hemberî hêzên me bi bikaranîna çekên kîmyewî bênavber sûcên şer dike. Tevî ku dagirkeran 39 caran bi çekên kîmyewî û teqemeniyan bombe li çeperên berxwedanê barandin, hêzên me gelek çalakiyên xurt li dar xistin. Di encama van çalakiyan de 15 leşker hatin kuştin, leşkerek birîndar bû û konekî leşkerî hate îmhakirin.