Mehmet Zarîf Kesîcîlero ke Anqara de 30 serrî yo bazarwanîye keno polîtîkaya hukmatî rexne kerd û ard ziwan: “Eke welatêkî de aştîye, demokrasî û edalet çin bê bêusûlîye û dizdîye benê.”

Mehmet Zarîf Kesîcîlero ke Anqara de bazarwan o derheqê rewşa xirabe ya înan de krîzê ekonomîkî de ANFyî rê qisey kerd.

Kesîcîlerî îfade kerd ke ne hemwelatîyî eşkenê çîyêkî bihêrînê ne zî ê eşkenê zeman rê biresê. Kesîcîlerî vat: “Nê welatî de binê şert û mercanê enflasyonî de çîyêk erjan nîyo. Se ra 15ê şarê Tirkîya bi hetkarîya komelkîye ciwîyeno. Şar binê sînorê xizanîye de yo. No krîzo ekonomîk o xorin hîna rehet çareser zî nêbeno. Ganî sebebê nê krîzî bêrê eşkerakerdene. Eke welatêkî de aştîye, demokrasî û edalet çin bê bêusûlîye û dizdîye benê.

Sey bazarwanan mesrafê ma zaf ê. Hukmat xo rê gêreno sûcdaran. Wextêkî zî înan bazarwanî kerdî sûcdar. Wexto ke krîz çinbî meaşê ma ê karmendan ra di qat zêdêr bî. La nika şert û mercî seba ma xirab ê. Ganî sîyasetê zîretî bêro vurnayene. Ganî hêzê hêrînayîşî yê şarî bêro zêdekerdene. Welat hewceyê vurnayîşî yo, edaletî yo.”