Kurdistanijî verê bînaya OPCWyî de çalakîya nobete domnenê.

Çalakîya nobete ya kurdistanijan verê bînaya Rêxistina Qedexekerdişê Çekanê Kîmyewîyan (OPCW) de 3ê gulane de dest pêkerdbî. Çalakîye serkêşîya TJK-E, NAV-BEL û Federasyonê DEM-NEDî de her sêşeme û pancşeme yena kerdene.

Çalakîya vizêrîne de çalakîkeran pankartî akerdî, dowîzî berz kerdî û seba ke bale biancê hêrişanê kîmyewîyan ê Tirkîya ser kincê sipîyî û maskeyê gazî dayî xo rê. Çalakîkeran waşt wa OPCW vera hêrişan bêveng nêmano.