Makbule Ozera ke 80 serrî ya û se ra 52 astengdar a tepişîyaye. Avûkate seba aye muracat kerdbî la hepsê keyeyî nêdîya.

Wan de Makbule Ozera 80 serre û mêrdeyê ci Hadî Ozero 79 serre 24ê temmuza 2014î de sereştişê keyeyî de ameybî destbendkerdene. Wirdî zî bi îdîaya ‘hetkarîya rêxistine’ vizêr tepişîyayî û erşawîyayî zîndanî.

Avûkate Dîlan Kunt Ayane 15ê nîsane de muracatê Hakîmîya Înfazî ya Wanî kerdbî ke ‘hepsê keyeyî’ bêro dayene Makbule Ozera ke se ra 52 astengdar a la bi bahaneya ‘şertê qanûnî ca nîyê’ muracat ame redkerdene.

Avûkate Kunte muracat de vat: “Muwekîla mi astengdar a û nêeşkena hewcedarîyanê xo bi sereyê xo peyda bikera. Coka ganî ci rê cezaya keyeyê hepsî bêra caardene.”