Paştdayîşê Taksîmî bira Dewaya Gezî ra dima verê Edlîyeya Çaglayanî de dest pê ‘nobeta edaletî’ kerd.
Vizêr roniştişê bire yê dewaya Parka Gezî de cezayî ameyî dayene. Roniştiş de cezaya muebede dîyaye Osman Kavalayî, cezaya zîndanî ya 18 serran dîyaye Can Atalayî, Mucella Yapici, Çîgdeme Mater, Mîne Ozerden, Tayfun Kahraman, Hakan Altin û Yîgît Ekmekçî. Atalay, Mater, Ozerden, Kahraman, Altinay û Ekmekçî salona roniştişî de ameyî tepiştene.
Bira mehkeme ra dima girseyo ke roniştiş teqîb kerdêne, verê edlîye de bi beşdarîya sîyasetkar, parlamenter, temsîlkaranê partîyanê sîyasîyan, rêxistinanê komelanê sivîlan û xeylêk kesan eşkerayîye ameye dayene û bire ameye şermezarkerdene.
Qiseykerdişan ra dima, Paştdayîşê Taksîmî pare kerd ke ê do Edlîyeya Çaglayanî meteriknê û dest pê ‘nobeta edaletî’ bikerê. Paştdayîşê Taksîmî îfade kerd ke ê venga her kesî danê ke wa bêro verê edlîye.
