Rêveberên partî û rêxistinên DBP, AYKAY-DER, AATUHAY-DER, HDP û Meclîsa Dayikên Aştiyê, Meclîsa Ciwanan a HDP’ê û endamên Navenda Çanda Binevşê yên Edeneyê bi boneya rojbûna Rêberê PKK’ê Abdûllah Ocalan a 73’yemîn şitil danîn.
Nûnerên rêxistinên civakî û partiyên siyasî li baxçeyekî li Taxa Yenîdam a navçeya Seyhan a Edeneyê, şitilên darên zeytûnan danîn. Di şitil danînê de dirûşmeyên “Rojbûna te pîroz be Serokê me” û “Bijî Serok Apo” berzkirin.
Mêrdîn
Li Mêrdînê jî bi heman armancê nûnerên rêxistin û partiyan di pêşengtiya Rêxistina HDP’a li navçeya Artûklûyê şitil danîn. Berdevka HDP’ê Ebrû Gunay jî tevlî bernameyê bû. Komê dema şitil danîn li çepikan xistin û xwestin şitil mezin bibin û bibin wesîleya aştiyê.
