Parlamenteranê HDPyî yê Riha û rêxistina partîye Sifreyê Edaletî yê keyeyê Şenyaşarî de fitar kerd.

Nobeta Edaletî ya keyeyê Şenyaşarî menga Remezanî de zî dewam kena. Emîne û Ferît Şenyaşar verê Edlîyaya Riha de fitarê xo kenê.

Parlamenterê HDPyî yê Riha Ayşe Surucu, Omer Ocalan, Rêxistina HDPyî ya Riha bîyî meymanê ‘Sifreyê Edaletî’ yê Şenyaşaran.

Ayşe Surucu fitarî ra verî derheqê têkoşînê Şenyaşaran de qisey kerd û pare kerd ke HDP tim hetê waştişê edaletî yê Şenyaşaran de yo. Ayşe Surucu vat: ”Ganî sûcdarî bêrê cezakerdene. Menga Remezanî menga edalet û haştî ya. Ganî na menge edalet bêro caardene. Ganî mehkeme erkê xo bîyara ca û bi ruhê na menge bire bida.”

Fitarî ra dima keyeyê Şenyaşarî reyna seba edaletî veng da.