Duh hikûmeta Lubnanê îflasbûna Banka Navendî ya Lubnanê ragihand. Kompanya Dîlot aşkere kir 310 milyon Euro û 294 milyon dolar ê ku dahata nefta Herêma Federal a Kurdistanê bû, di wê bankê de bû. Piştî îflasbûna bankê ew pere hatiye blokekirin.
Endamê Komisyona Darayî û Karûbarên Aborî yê li Herêma Federal a Kurdistanê Şêrko Cewdet der barê mijarê de agahî da Rojnews û wiha got: “Dahata neftê li herêma Kurdistanê ne şefaf e. Ev pere heta nehatibû bloqe kirin, haya kesê jê nebû. Ev pere têra muçeyê hemû muçexwerên herêma Kurdistanê dike. Ev yek ji wan gendelî, nelirêtî û bêplaniya hikûmeta herêma Kurdistanê ye ku li dahata herêmê dike.”
Der barê çarenûsa vî pereyî de Cewdet ev tişt anî ziman: “Ev pereyê Herêma Kurdistanê çû. Ji ber ku banka navendî ya Lubnanê îflasbûna xwe ragihand. Ev pereyê Herêma Kurdistanê ku 637 milyon dolar e û hatiye blokekirin, nikare vegerîne.”
