Li navçeya Pasûrê ya Amedê di 24’ê mijdara 1991’an de leşkeran komkujî pêk anîbû. Di komkujiyê de 7 welatî kuştibûn. Têkildarî komkujiyê der barê 33 rayedarên leşkerî de lêpirsîn hatibû destpêkirin. Der barê rayedarên leşkerî de biryar hat dayîn ku doz neyê vekirin. Dadgeha Destûra Bingehîn biryar xera kiribû û bi hinceta “Binpêkirinê” xwestibû lêpirsîn ji nû ve bê destpêkirin. Vê carê jî bi hinceta “demboriyê” ser lêpirsînê girtin û leşker hatin parastin.