Adirê Newroze ke çar hetê welatî de ame tafînayene, emserr seba azadîye gurr bî. Roşanê Newroze ke her hetî ra mesajanê hîrayan û netîceyanê xurtan mîyanê xo de xewêna. Emserr tena bajaranê herême de nê bajaranê rojawanî de zî bi tewrbîyayîşêko xurt ame pîrozkerdiş. Newroza ke her serre bi girseyî yena pêşwazîkerdiş û kelecanêko zêde zerrîya merdiman de virazena, emserr çar hetê welatî de kelecanêko zêde viraşte. Welatê ewropî kiştêk pêroyê dinya girewte binê tesîrê xo.
Adirê Newroze ke her hetê welatî pişt, reya yewine hetê hêzê demokrasî yê herêmî ra ameye pîrozkerdiş û bî faktorêko muhîm. Pîrozkerdişê Newroze de mesajê; şer her roje hîna xorî beno û çareserkerdişê krîzê zaf hetin ê ke vejîyenê, bi tîfaqê kurdan û hêzanê demokrasîye mumkun o, bi hawayêko akerde da. Waştişê bi hezaran kesan ê ke pêroyê raşteyanê Newroze dekerdî qet şik çinî yo ke azadîya fîzîkî ya Rayberê PKKyî Abdullah Ocalanî bî. Bê şik siloganê Newroza emserrî ‘Wext wextê serkewtişî yo’ zî azadîya Ocalanî ra xoser nêbî. Şarê kurd ke raşteyan dekerde bi coşêko gird siloganê Newroze verik kerd û rayna Ocalan û şaran rê azadîye waşt.
Teda û astengkerdişî vera kesê ke raşteyê Newroze dekerdî de kêm nêbî. Labelê coşê Newroze nêame astengkerdene. Pîrozkerdişê Newroze de coş û tewrbîyayîşêko gird zêde bî. Binpaykerdişê heqan kêm nêbî. Pêroyê bajaran de destbendkerdiş û tepiştişî virazîyayî. Ame zanayene ke pîrozkerdişê Newroze de zafê înan doman tewr tay 500 tenî ameyî destbendkerdene.
Amedo ke 1 mîlyon kesî rê meymanîye kerd û bî Newroza fînalî, Newroza 2013î ke o wext mektuba Rayberê PKKyî Abdulla Ocalanî ame wendene, nêgêra. Pîrozkerdişan de tewrbîyayîşê xurt ê cinî û ciwanan bale ante. Raşteyê Newroze de sînyalê ‘Seserra 21. do biba seserra cinîyan’ reyna ame dayene. Bi vatişê ‘Çareserîya demokratîke de waştişê min ê yewine azadîya cinîyan a’ ê Ocalanî reyna tewr zêde hetê cinîyan ra ame verikkerdene. Cinîyan bi tewrbîyayîşêko gird cayê xo refanê tewr vernî de girewte.
Pîrozkerdişê Newroze yê Kurdistan, Ewropa û pêroyê dinya de waştişê bi mîlyonan kesan azadîya Ocalanî bî. Newroza 2022î bi waştişê azadîya Ocalan û azadîya Kurdistanî derbaz bî. Pîrozkerişê Newroza emserrî de coş û kelecan zêde bî. Ters û xof bin kewtî. Pîrozkerdişê emserrî ê Newroze de varayîşê vewr û varanî zî kêm nêbî. Labelê her çend ke hewa serd bibo zî waştişê azadîye zerrîya şarî germ kerd û vilikanê wisarî zerrîya her kesê ke zerrîya înan seba azadîye erzeno de akerde.
Newroze bi no hawa terso ke mîyanê civakî de estbî, rijna û cesaret serdest kerde. Welato ke no demêko dergo ke bi polîtîkayanê ters û xofî yeno rayraberdene de Newroze nîşan da ke nê polîtîkayan şar çinî kerdo. Roşanê Newroze ê şaranê ke ameyîşê wisarî bi azadîye vervazî kenê, pîroz bo. Wa serra 2022î biba azadîya fîzîkî ya aqilmend.
