Her civat nasnameyê xo çandê xo ra geno. Bi çandê xo hêz dano çandê civakanê derûdorê xo û bi qasê estbîyayîşê çandê xo di mîyanê şaristanîyanê cîhanî de cayê xo yo qedîm geno.
Qabê civatanê azadan dewlemendîya çandî înan rê beno çimeyê girotişê moral û motîvasyonî. La qabê civatanê bindestan dewlemendîya çandî beno çimeyê girotişê qewetê sere wedartiş û xoverdayîşê qarşî zalim û zilimkaran, beno qewetê waştekê azadî.
Qabê civatê kurd Newroze roşano neteweyî yo. Roşanê estbîyayîşî, roşanê serkewtişê xoverdayîşê azadî û xoserî yo. Şahî û bextewarîyê serkewtişê sere wedartişê qarşî Dehaqî yo, çinêkerdişê zilm û zordarîyê ê yo. A semed ra çekûya Newroz û kurdî biyê yew. Wexto ke qalê Newroze beno yewser kurdî yenê vîrê her kesî.
Qabê kurdan mengê wesarî mengê serewedartiş û xoverdayîşî yo. 21 Adare nê rojan ra yew a. Bi hezaran serr sera vêrto ra la kurdî her serr bi heman coş û kelecan, bi heman bawerî û biryardarî ya waştekê azadî verê xo danê qadanê Newroze. Qarşî dehaqê nihayinan dûkêlê adirê Newrozan ver bi esmanan berz kenê. Vanê ma estê, etya de yê û azadîya xo ra fek vera nêdanê. Na semedê taybetîya civata kurd ra wo Rayberê Şarê Kurdî Ocalan, civata kurdî ra vano civata Newroze.
Roşanê Newroze bi qasê ke qabê civata kurd çimeyê qewet girotişê xoverdayîş û têkoşînê azadî yo, bi qasê ke çimeyê coş û kelecanîyo, bi qasê ke çimeyê bawerîyê serkewtişê azadî yo, qabê dagirker û zilimkaranê Kurdistanî rê endê çimeyê ters û xofê binkewtişîyo. Semedê ya ters û xofê zerîya xo bi serran Roşanê Kurdan Newroze kurdan rê qedexe kerd.
Her çiqas pîrozkerdişê Newroze hetê dewleta tirke ra yena qedexekerdiş, kurdî çi ray fek pîrozkerdişê roşanê xo yê qedîmî ra vera nêdanê. Heta serranê 1970’an kurdî bi dizdî, yayke bi awayêko nimite her serr di 21’ê Adare de adirê Newroze geş kenê û roşanê xo pîroz kenê.
Di serranê 1970’an de di Rayberîya Rêzdar Ocalanî de xoverdayîşê Têgeyayîşê Azadîya Kurd dest pê keno. Bi dest pêkerdişê xoverdayîşê Têgeyayîşê Azadîya Kurd bêvengîya mergî ya ke ser kurdan roniştebî şikyena. Dewleta tirke bi derbeya 12’ê êlule ya 1980’î cewab dana no xoverdayîşê kurdan. Qadroyê Têgeyayîşê Azadîye xoverdayîşê xo destûr nêdanê di şexsê înan de civato kurd teslîm bêro girotiş û bêro ceresnayîş û bêveng kerdiş.
Di 21’ê adara 1982’an de qadroyanê PKKyî serekeyan ra yew Mazlum Dogan di hucreya xo ya zîndanê Amedî de bi hîrê niftikanê kifrîte Newroze pîroz keno û peynî ro cuyê xo areno. Na çalakîya Doganî fina giranî gunene hişmendîya darbekaran ro û hişmendîya înan serûbino kena. Çalakîya Mazlum Doganî qabê xoverdêranê kurdan ê zîndan û yê teber bena çimeyê qewet girotişî, bena neqşeya raya serkewtişî, qabê derbekaranî zî bena destpêkê şikyayîşî, bena destpêka binkewtişî. A joy ra civato kurd Mazlum Doganî ra vano Kawayê serdemî.
Adirê hîrê niftikanê Mazlum Doganî di wextêko zaf kilm de di seran serê Kurdistanî de berz beno.
Ser bi ser çiqas adirê Newrozan gird beno endêk ters û xofê zerê dagirkeran zêde beno. Her ke tersê înan zêde beno qedexe kerdişê pîroz kerdişê Newrozan û zilm û zordarîya înan zî zêdetir beno. Di 21’ê adara 1990’an de Zekîye Alkan ser bedenê Amedî, di 21’ê adara 1992’an de Rahşan Demîrel Kadîfekaleya Îzmîrî de bedenê xo bi adirê Newroze berz kenê û cewabo herî xurt danê qedexe û zilm û zordarîyanê dewleta tirke. Nê wirdî cinîyanê lêhengî ê kurdan bi adirê bedenê xo nîşan da ke qedexekerdiş û astengkerdişê pîrozkerdişê Newroze mimkun nîyo. Wexto ke hewce bikero kurdî bi bedenê xo adirê Newroze weş kenê.
Di serranê 1990’an de di pêşengîya Têgeyayîşê Azadî de ser bi ser tewirbîyayîşê kurdan a pîrozkerdişê Newrozan zêde benê. Hezarî benê des hezarî, des hezarî benê se hezarî, se hezarî benê mîlyonî. Navendê pîrozbahîyanê Newrozanê tewr bi heybet û muhîm yew şaristano xoverdêr û qedîm Amed o. Newroza Amedî yê ke di destpêkê serranê 2000 de bi se hezaran ameyê pîrozkerdiş di wextêko kilm de humara tewirbîyayîşê Newrozan risena bi mîlyonan kesî.
Qadê Newroze ya Amedî bi tewirbîyayîşê bi mîlyonan kurdê çarparçeyanê Kurdistanî, bena qadê Kongreya Neteweyî, bena qadê diyarkerdişê manîfestoya serrane, bena qadê diyarkerdişê nexşe raya xoverdayîşê azadîye, bena qadê bi vengo tewr berz waştekê azadîye, aştî û seyyewbînanîye.
Bi tewirbîyayîşê xo yê bi mîlyonan kesî Newroza Amedî di cîhan de veng dana. Her serre nizdîyê 21’ê adare de çar hetê Kurdistanî û çar hetê cîhanî ra bi hezaran kesî qabê şahedî Newroza Amedî rê bikero verê xo dane bajarê Amedî. Tewirbîyayîşê Newroza Amedî bîyo xeml û xeyalê mîlyonan kesî.
Di Newroza 2005’an de bi eşkerekerdişê Pergalo Konfederalîzmo Demokratîke yê Rayberê Şarê Kurdî Ocalanî di tarîxê kurdan de rîpelêko newe abî. A serre ra pey roşanê Newroze beno roşanê heme şaran, beno helbestê azadîya heme civatan.
Civatanê Vakûr û Rojhilatê Sûrîye bi hişmendî û bawerîya Konfedaralîzmo Demokratîke tifaqê xo pêk ardo û dest bi dest, mil bi mil vera dehaqanê serdemî dest bi nuştişê helbestê azadîye kerdê. Do nuştişê na helbeste bi awanbîyayîşê tifaqê şaranê Rojhelato Mîyanenî û bi awankerdişê Konfederalîzmo Demokratîke yê Rojhelato Mîyanenî verdewam bikero û bibo çimeyê sûdgirotişê heme şaranê cîhanî.
Civato kurd bi xoverdêrşîya xo ya 40 serranê peyînan, bi berdêlo giranan qarşî zilm û zordarîya dewleta tirke de roşanê xo Newroze di sere de bi dewletanê dagirkeranê Kurdistanî û peyra bi heme dewletanê cîhanî da qebulkerdiş. Di 28’ê êlule-2’ê Teşrîna Verêna 2009’an de, di Abû Dabî de, di kombîyayîşê lijneya pawitişê mîrateyanê şaran a Yewbînîya Şaran de qerar ame girotiş û Newroz kewt lîsteya Kulturê cîhanî ya manewîyan. Di serra 2010’an de di kombîyayîşê lijneya Yewbînîya Şaran de 21’ê adare “Roja Newroza Cîhanî” ame qebulkerdiş.
Hewco ke ma çirey yê xoverdêranê ke bi canê xo na roje bexşê ma kerdê xo vîra nêkerim. Û her tim di serede şehîdanê xo yê Newroze û yê bînan heminan bi qedr û qîmet û bi hurmet vîr biyarim û bejnê xo înan ver bitewênim.
Bê guman do fina her serre emserr zî çimê heme dost û dijminanê kurdan serê Newroza Amedî de yo. Do fina her serre bi tewirbîyayîşê meymananê teberî yê çar hetê Kurdistanî û çar hetê cîhanî ra bi coş û kelecanêko gird, bi bîr û bawerîyêka xurt zerê dostanê xo şad bikero û ters û xofê zerê dijminanê xo gird bikero. Bi bawerîya serkewtişê xoverdayîşê azadî û aştîye NEWROZA ŞIMA PÎROZ BO!
Newroz roşanê estbîyayîşîyo
Newroz roşanê estbîyayîşîyo
Her civat nasnameyê xo çandê xo ra geno. Bi çandê xo hêz dano çandê civakanê derûdorê xo û bi qasê estbîyayîşê çandê xo di mîyanê şaristanîyanê cîhanî de cayê xo yo qedîm geno.
Qabê civatanê azadan dewlemendîya çandî înan rê beno çimeyê girotişê moral û motîvasyonî. La qabê civatanê bindestan dewlemendîya çandî beno çimeyê girotişê qewetê sere wedartiş û xoverdayîşê qarşî zalim û zilimkaran, beno qewetê waştekê azadî.
Qabê civatê kurd Newroze roşano neteweyî yo. Roşanê estbîyayîşî, roşanê serkewtişê xoverdayîşê azadî û xoserî yo. Şahî û bextewarîyê serkewtişê sere wedartişê qarşî Dehaqî yo, çinêkerdişê zilm û zordarîyê ê yo. A semed ra çekûya Newroz û kurdî biyê yew. Wexto ke qalê Newroze beno yewser kurdî yenê vîrê her kesî.
Qabê kurdan mengê wesarî mengê serewedartiş û xoverdayîşî yo. 21 Adare nê rojan ra yew a. Bi hezaran serr sera vêrto ra la kurdî her serr bi heman coş û kelecan, bi heman bawerî û biryardarî ya waştekê azadî verê xo danê qadanê Newroze. Qarşî dehaqê nihayinan dûkêlê adirê Newrozan ver bi esmanan berz kenê. Vanê ma estê, etya de yê û azadîya xo ra fek vera nêdanê. Na semedê taybetîya civata kurd ra wo Rayberê Şarê Kurdî Ocalan, civata kurdî ra vano civata Newroze.
Roşanê Newroze bi qasê ke qabê civata kurd çimeyê qewet girotişê xoverdayîş û têkoşînê azadî yo, bi qasê ke çimeyê coş û kelecanîyo, bi qasê ke çimeyê bawerîyê serkewtişê azadî yo, qabê dagirker û zilimkaranê Kurdistanî rê endê çimeyê ters û xofê binkewtişîyo. Semedê ya ters û xofê zerîya xo bi serran Roşanê Kurdan Newroze kurdan rê qedexe kerd.
Her çiqas pîrozkerdişê Newroze hetê dewleta tirke ra yena qedexekerdiş, kurdî çi ray fek pîrozkerdişê roşanê xo yê qedîmî ra vera nêdanê. Heta serranê 1970’an kurdî bi dizdî, yayke bi awayêko nimite her serr di 21’ê Adare de adirê Newroze geş kenê û roşanê xo pîroz kenê.
Di serranê 1970’an de di Rayberîya Rêzdar Ocalanî de xoverdayîşê Têgeyayîşê Azadîya Kurd dest pê keno. Bi dest pêkerdişê xoverdayîşê Têgeyayîşê Azadîya Kurd bêvengîya mergî ya ke ser kurdan roniştebî şikyena. Dewleta tirke bi derbeya 12’ê êlule ya 1980’î cewab dana no xoverdayîşê kurdan. Qadroyê Têgeyayîşê Azadîye xoverdayîşê xo destûr nêdanê di şexsê înan de civato kurd teslîm bêro girotiş û bêro ceresnayîş û bêveng kerdiş.
Di 21’ê adara 1982’an de qadroyanê PKKyî serekeyan ra yew Mazlum Dogan di hucreya xo ya zîndanê Amedî de bi hîrê niftikanê kifrîte Newroze pîroz keno û peynî ro cuyê xo areno. Na çalakîya Doganî fina giranî gunene hişmendîya darbekaran ro û hişmendîya înan serûbino kena. Çalakîya Mazlum Doganî qabê xoverdêranê kurdan ê zîndan û yê teber bena çimeyê qewet girotişî, bena neqşeya raya serkewtişî, qabê derbekaranî zî bena destpêkê şikyayîşî, bena destpêka binkewtişî. A joy ra civato kurd Mazlum Doganî ra vano Kawayê serdemî.
Adirê hîrê niftikanê Mazlum Doganî di wextêko zaf kilm de di seran serê Kurdistanî de berz beno.
Ser bi ser çiqas adirê Newrozan gird beno endêk ters û xofê zerê dagirkeran zêde beno. Her ke tersê înan zêde beno qedexe kerdişê pîroz kerdişê Newrozan û zilm û zordarîya înan zî zêdetir beno. Di 21’ê adara 1990’an de Zekîye Alkan ser bedenê Amedî, di 21’ê adara 1992’an de Rahşan Demîrel Kadîfekaleya Îzmîrî de bedenê xo bi adirê Newroze berz kenê û cewabo herî xurt danê qedexe û zilm û zordarîyanê dewleta tirke. Nê wirdî cinîyanê lêhengî ê kurdan bi adirê bedenê xo nîşan da ke qedexekerdiş û astengkerdişê pîrozkerdişê Newroze mimkun nîyo. Wexto ke hewce bikero kurdî bi bedenê xo adirê Newroze weş kenê.
Di serranê 1990’an de di pêşengîya Têgeyayîşê Azadî de ser bi ser tewirbîyayîşê kurdan a pîrozkerdişê Newrozan zêde benê. Hezarî benê des hezarî, des hezarî benê se hezarî, se hezarî benê mîlyonî. Navendê pîrozbahîyanê Newrozanê tewr bi heybet û muhîm yew şaristano xoverdêr û qedîm Amed o. Newroza Amedî yê ke di destpêkê serranê 2000 de bi se hezaran ameyê pîrozkerdiş di wextêko kilm de humara tewirbîyayîşê Newrozan risena bi mîlyonan kesî.
Qadê Newroze ya Amedî bi tewirbîyayîşê bi mîlyonan kurdê çarparçeyanê Kurdistanî, bena qadê Kongreya Neteweyî, bena qadê diyarkerdişê manîfestoya serrane, bena qadê diyarkerdişê nexşe raya xoverdayîşê azadîye, bena qadê bi vengo tewr berz waştekê azadîye, aştî û seyyewbînanîye.
Bi tewirbîyayîşê xo yê bi mîlyonan kesî Newroza Amedî di cîhan de veng dana. Her serre nizdîyê 21’ê adare de çar hetê Kurdistanî û çar hetê cîhanî ra bi hezaran kesî qabê şahedî Newroza Amedî rê bikero verê xo dane bajarê Amedî. Tewirbîyayîşê Newroza Amedî bîyo xeml û xeyalê mîlyonan kesî.
Di Newroza 2005’an de bi eşkerekerdişê Pergalo Konfederalîzmo Demokratîke yê Rayberê Şarê Kurdî Ocalanî di tarîxê kurdan de rîpelêko newe abî. A serre ra pey roşanê Newroze beno roşanê heme şaran, beno helbestê azadîya heme civatan.
Civatanê Vakûr û Rojhilatê Sûrîye bi hişmendî û bawerîya Konfedaralîzmo Demokratîke tifaqê xo pêk ardo û dest bi dest, mil bi mil vera dehaqanê serdemî dest bi nuştişê helbestê azadîye kerdê. Do nuştişê na helbeste bi awanbîyayîşê tifaqê şaranê Rojhelato Mîyanenî û bi awankerdişê Konfederalîzmo Demokratîke yê Rojhelato Mîyanenî verdewam bikero û bibo çimeyê sûdgirotişê heme şaranê cîhanî.
Civato kurd bi xoverdêrşîya xo ya 40 serranê peyînan, bi berdêlo giranan qarşî zilm û zordarîya dewleta tirke de roşanê xo Newroze di sere de bi dewletanê dagirkeranê Kurdistanî û peyra bi heme dewletanê cîhanî da qebulkerdiş. Di 28’ê êlule-2’ê Teşrîna Verêna 2009’an de, di Abû Dabî de, di kombîyayîşê lijneya pawitişê mîrateyanê şaran a Yewbînîya Şaran de qerar ame girotiş û Newroz kewt lîsteya Kulturê cîhanî ya manewîyan. Di serra 2010’an de di kombîyayîşê lijneya Yewbînîya Şaran de 21’ê adare “Roja Newroza Cîhanî” ame qebulkerdiş.
Hewco ke ma çirey yê xoverdêranê ke bi canê xo na roje bexşê ma kerdê xo vîra nêkerim. Û her tim di serede şehîdanê xo yê Newroze û yê bînan heminan bi qedr û qîmet û bi hurmet vîr biyarim û bejnê xo înan ver bitewênim.
Bê guman do fina her serre emserr zî çimê heme dost û dijminanê kurdan serê Newroza Amedî de yo. Do fina her serre bi tewirbîyayîşê meymananê teberî yê çar hetê Kurdistanî û çar hetê cîhanî ra bi coş û kelecanêko gird, bi bîr û bawerîyêka xurt zerê dostanê xo şad bikero û ters û xofê zerê dijminanê xo gird bikero. Bi bawerîya serkewtişê xoverdayîşê azadî û aştîye NEWROZA ŞIMA PÎROZ BO!