Li Wan, Colemêrg, Bazîd, Riha, Êlih, Dîlok, Meletî, Stenbol, Edene, Farqîn, Îzmîr û Silopiya jî di nav de li 36 navendan bi sed hezaran gel herikin qadên Newrozê û bi coşek mezin Newrozê pîroz dikin. Bi sed hezaran kurdên li qadan kom bûn, bê navber dirûşmeyên “Bijî Serok Apo”,” Bê Serok jiyan nabe” “Bijî Newroz” berz dikin. Gel tevî hewaya sar û barîna berfê li qadan kom bûn û li ber stranan û li dora agir govendê digerînin. Bi taybetî li Wan, Stenbol, Êlih û Rihayê bi sed hezaran kes beşdarî pîrozbahiyê bûne. Newroz bi muzîk û axaftinan didome.
