2’emîn danişîna doza Hevseroka KCD’ê Leyla Guven li 9’emîn Dadgeha  Cezayên Giran a Amedê hat dîtin. Dozger der barê Leyla Guven de bi îdeaya “Propaganda rêxistinê” kiriye doz vekiribû. Leyla Guven, ji Girtîgeha Xarpêtê bi rêya SEGBÎS’ê tev li danişînê bû. Parêzerê Guven Serdar Çelebî jî di danişînê de amade bû. Di danişînê de Hevseroka KCD’ê Leyla Guven anî ziman ku axaftina kurdî ji aliyê kesê zana ve şaş hatiye wergerkirin û xwest parvekirinên wê yên li ser medya dijital ji wêre bişîne. Leyla Guven, dîsa xwest îdeanameya duyemîn ku der barê wê de hatiye amadekirin jî ji wêre bişînin.

Di damişînê de parêzer Serdar Çelebî jî ji bo parastinê dem xwest. Çelebî xwest daxwazên Leyla Guven bê qebûlkirin.

Dadgehê piştî îfadeyan danişîna dozê taloqî 11’ê nîsanê kir