Dayikên Şemiyê ji bo aqûbeta xizmên xwe yên hatine windakirin bipirsin, çalakiya xwe di hefteya 880’an de berdewam kirin. Dayikan di çalakiya vê hefteyê de bal kişandin ser çalakiya Malbata Doku ya li ber Edliyeya Dêrsimê û Nobeda Edaletê ya Malbata Şenyaşar a li ber Edliyeya Rihayê.
Xwîşka rojnameger Ferhat Tepe, Ayşe Tepe vê hefteyê daxuyanî xwend. Ferhat Tepe, 27 sal berê di bin çavan de hatibû qetilkirin. Ayşe Tepe diyar kir ku ew piştgiriyê didin dayika Gulistan Doku, Bedriye Doku ya li ber Edliyeya Dêrsimê û Emîne Şenyaşar a li ber Edliyeya Rihayê.
