Şêwra jinên êzidî û ereb a bi pêşengiya TAJÊ û bi dirûşma, “Yekîtî û têkoşîna jinan wê parastina jinê mîsoger bike” tevî astengiyên hêzên Iraqê bi beşdariya gelek jinan dest pê kir. Şêwra jinan bi pêşengiya Tevgera Jinên Azadî ya Jinên Êzidî (TAJÊ) li navçeya Til Izêr dest pê kir. Mijara sereke ya şêwra jinan fermana 3’yê Tebaxa 2014 û zirerên ku daye jinên êzidî û jinên Iraqê ye. Jin dê di şêwrê de mijarên “Rêyên têkoşîna hevpar” û “Çareserî wê” gotubêj bikin

Komîteya amadekar a şêwrê, plan kiribû ku şêwir du rojan berdewam bike. Lê ji ber hêzên Iraqê rê nedan gelek ji van rêxistinan derbasê Şengalê bibin. Ji ber astengiyên Iraqê 20 rêxistinên jinan nekarîbûn beşdarî civînê bibin û ji Mûsilê vegeriyan.