Çewlîg de varayîşê vewre ra dima narey zî pukî dest pêkerd. Rayîrê ke ameybî akerdene pukî ra newe ra qefilîyayî.
Çewlîg de varayîşê vewre tesîrê cuye rê dewam keno. Vewre ra rayîrê 281 dewî qefilîyabî.
Dima ke rayîrî hetê ekîpan ra ameyî akerdene narey zî pukî dest pêkerd û rayîrî newe ra qefilîyayî. Goreyê zanayîşan merkez de 76, Azarpêrt de 32, Dara Hênî de 59, Kanîreş de 38, Gêxî de 25, Bongilan de 23, Xorxol de 20 û Çêrme de 8 dewan de rayîrî qefilîyayî.
Bi taybetî Kanîreş de pukî ra merdimî nêeşkenê verê xo bivînê. ÇEWLÎG
