Berê nexweşiya ku herî zêde û zû belav dibû sorik bû. Niha mutasyona Covîd -19 (Omicronê) leza sorikan derbas kiriye. Bûye nexweşiya yekemîn ku gelek bi lez belav dibe.
Li gorî zanyarê rûsî Vladimir Polybook nexweşê bi varyanta Omicronê dikare bi yek pişkandinekê derdora 100 kesan bi vê nexweşiyê bixîne. Polybook ji ajansên Rûsyayê re der barê vê nexweşiyê de wiha got: “Heta niha li gorî zanyariyên me nexweşiya sorikan gelekî zû belav dibû û mirov ji hev pê diketin. Lê niha vê mutasyona Omicronê di vî warî de daye pêşiya sorikan jî û gelekî bilez belav dibe”
Li gorî heman çavkaniyê herî zêde ev vîrûs bi riya bayê ango bi riya pişkandin û kuxikê di nava mirovan de belav dibe û herî zêde bandorê li zarokan dike.
