Malbata Şenyaşar 293 roj in ji bo edalet pêk bê Nobeda Edaletê digirin. Malbatê îro peyama “Kesên li dijî zilmê bêdeng bimînin dê bibin hedefa êrîşan” parve kirin.

Li navçeya Pirsûs a Rihayê, xizmên Parlamenterê AKP’ê yê Rihayê Îbrahîm Halîl Yildiz di 14’ê hezîranê de êrişî malbata Şenyaşar kirin û 3 ferdên malbatê kuştin. Li dijî vê zilmê Emîne Şenyaşar û kurê wê Ferît Şenyaşar, bi daxwaza edaletê di 9’ê adarê de li ber Edliyeya Rihayê dest bi Nobeda Edaletê kirin. Malbata Şenyaşar 293 rojin Nobeda Edaletê digirin. Malbatê îro li mala xwe ya navçeya Pirsûsê çalakiya xwe berdewam kirin. Malbatê li ser hesabê xwe yê medya sanal wiha got: “Kî bi kîjan hêze re çi dike li holê ye. Li Nexweşxaneya Dewletê ya Pirsûsê komkujiyek organîzekirî heye. Lê rayedar ker û lal in. Kesên li dijî zilmê bêdeng bimînin dê bibin hedefa êrîşan.”