Ma serrîyêke bîne temam kenê. Zehf tenî muqayeseyê serrî kenê. Di muqayeseyan de wexto xebere yena serê ziwanî her kes çîke vano. Tirkîya de wexto ke mesele bena kurdî, qal û behsî benê xurtî, hetê ma de gilî û gazincî, heto bîn de zî xeberdanê pîlî yenê kerdişî. Bi taybetî ê hetê desthilatdarî bi yew fek vanê, “Kurdî serbest a.” Henî zî raver şinê û vanê, “Ma kurdî kerde serbest e, her kes eşkeno her ca xeberî bido, ê ke hepsan de yê zî bi serbestî xeberî danê.”
Bi rastî mesela ana wa? Kurdî serbest a? Çiqa serbest a? Bêrê ma 5 serranê peyînan ra çende nimûneyan tiya rêz bikerê…
– Emserr 9 melayê kurdî semedo ke bi kurdî xutbe wendîbî ameyî tepiştiş.
– Meclîsê Tirkîya de emserr sîmultane werger ame viraştişî. Meclîsî de bi 4 ziwanan, bi îngilîzî, fransizî, rusî û erebî sîmultena werger ame kerdişî. La qet ca nêdîya kurdî. Cîgira Hemserekanê Koma HDP’yî Meral Daniş Beştaşe meclîs de reaksîyon nîşan daye û va; “Ene meclîs de ereb, rus, îngilîz, fransiz estê ya nê ez nêzana, la kurdî estê û bi kurdî werger çinî yo. Ene meclîs de mebûsê kurdî estê, gere werger zî bibo.” (05.10.2021)
– Hema zî di ‘tûtanak’ên (belgeyê) Meclîsê Tirkîya de nameyê kurdî derbas nêbeno. Wexto ke yew bi kurdî qisey keno/a zey “zimano nîno zanayiş ka kamco ziwan o” yeno/a nuştişî.
– Kaya şano ay Navendê Çanda Mezopotamya bi nameyê “Bêrû” hem Stenbol (2020), hem Riha (2021) de ame qedexekerdişî. Kaya Şanoya Bajêr a Amedî “Dawiya Dawî” zî aşma şî Stenbol de ame qedexekerdişî.
– Enstîtuya Kurdî ya Stenbolî, Komeleya Nuştoxanê Kurd tenî serê kurdî de xebate kerdêne. Ne sîyaset, ne çîkew bîn, tenî ziwan û kurdî reyde eleqedar bena. Zey zehf komeleyanê bînan ê zî ameye girewtişî (30.12.2016).
– Ene payîz Weşanxaneya Avesta waşt Mardîn û çende bajaranê bînan de panelan viraza. Panelê înan Mêrdîn de ame qedexekerdişî. Serê ene yewî ra Baroya Mêrdînî salona xo qeybî înan kerd a û ewca panel virazîya.
– Wezîrîya Perwerdehî ya Tirkîya her serre mamosteyan qeybî mekteban tayîn kena. Di serra 2020 de tenî yew, bi reqem “1” mamosteyê kurdî tayîn kerde. Dibistanan midûrî bi “semedo mamoste çinî yê” dersê weçînayî ay kurdî (ha kurmancî ha kirmanckî) qebûl nêkenê, û heto bîn ro zî bi seyan mamosteyê kurdî ke zanîngehe qedênayê niyameyê tayînkerdişî û ê her yew enka karêke bîn kenê.
– Îlyas Araso ke Girtîgehê Bandirma ye Balikesîrî de yo wexto ke telefon de dadê xo dir kurdî xeberî da, peywirdaranê hepisxanî telefonê ê birna û da ê ro. Mebûsê HDP’ê Omer Faruk Gergerlîoglu ene mesela twîttirê xo ra kerd vila (28.11.2021)
Ma eşkenê nimûnan zêde bikerê, la besê. Rewşa kurdî Tirkîya de ana ya. Sibaroj wexto ke jo perskero di se serra 21’yinan de rewşa kurdî Tirkîya çawey bî, ma enî notan bimocnin ra.
Kurdî serbest a!
Kurdî serbest a!
Ma serrîyêke bîne temam kenê. Zehf tenî muqayeseyê serrî kenê. Di muqayeseyan de wexto xebere yena serê ziwanî her kes çîke vano. Tirkîya de wexto ke mesele bena kurdî, qal û behsî benê xurtî, hetê ma de gilî û gazincî, heto bîn de zî xeberdanê pîlî yenê kerdişî. Bi taybetî ê hetê desthilatdarî bi yew fek vanê, “Kurdî serbest a.” Henî zî raver şinê û vanê, “Ma kurdî kerde serbest e, her kes eşkeno her ca xeberî bido, ê ke hepsan de yê zî bi serbestî xeberî danê.”
Bi rastî mesela ana wa? Kurdî serbest a? Çiqa serbest a? Bêrê ma 5 serranê peyînan ra çende nimûneyan tiya rêz bikerê…
– Emserr 9 melayê kurdî semedo ke bi kurdî xutbe wendîbî ameyî tepiştiş.
– Meclîsê Tirkîya de emserr sîmultane werger ame viraştişî. Meclîsî de bi 4 ziwanan, bi îngilîzî, fransizî, rusî û erebî sîmultena werger ame kerdişî. La qet ca nêdîya kurdî. Cîgira Hemserekanê Koma HDP’yî Meral Daniş Beştaşe meclîs de reaksîyon nîşan daye û va; “Ene meclîs de ereb, rus, îngilîz, fransiz estê ya nê ez nêzana, la kurdî estê û bi kurdî werger çinî yo. Ene meclîs de mebûsê kurdî estê, gere werger zî bibo.” (05.10.2021)
– Hema zî di ‘tûtanak’ên (belgeyê) Meclîsê Tirkîya de nameyê kurdî derbas nêbeno. Wexto ke yew bi kurdî qisey keno/a zey “zimano nîno zanayiş ka kamco ziwan o” yeno/a nuştişî.
– Kaya şano ay Navendê Çanda Mezopotamya bi nameyê “Bêrû” hem Stenbol (2020), hem Riha (2021) de ame qedexekerdişî. Kaya Şanoya Bajêr a Amedî “Dawiya Dawî” zî aşma şî Stenbol de ame qedexekerdişî.
– Enstîtuya Kurdî ya Stenbolî, Komeleya Nuştoxanê Kurd tenî serê kurdî de xebate kerdêne. Ne sîyaset, ne çîkew bîn, tenî ziwan û kurdî reyde eleqedar bena. Zey zehf komeleyanê bînan ê zî ameye girewtişî (30.12.2016).
– Ene payîz Weşanxaneya Avesta waşt Mardîn û çende bajaranê bînan de panelan viraza. Panelê înan Mêrdîn de ame qedexekerdişî. Serê ene yewî ra Baroya Mêrdînî salona xo qeybî înan kerd a û ewca panel virazîya.
– Wezîrîya Perwerdehî ya Tirkîya her serre mamosteyan qeybî mekteban tayîn kena. Di serra 2020 de tenî yew, bi reqem “1” mamosteyê kurdî tayîn kerde. Dibistanan midûrî bi “semedo mamoste çinî yê” dersê weçînayî ay kurdî (ha kurmancî ha kirmanckî) qebûl nêkenê, û heto bîn ro zî bi seyan mamosteyê kurdî ke zanîngehe qedênayê niyameyê tayînkerdişî û ê her yew enka karêke bîn kenê.
– Îlyas Araso ke Girtîgehê Bandirma ye Balikesîrî de yo wexto ke telefon de dadê xo dir kurdî xeberî da, peywirdaranê hepisxanî telefonê ê birna û da ê ro. Mebûsê HDP’ê Omer Faruk Gergerlîoglu ene mesela twîttirê xo ra kerd vila (28.11.2021)
Ma eşkenê nimûnan zêde bikerê, la besê. Rewşa kurdî Tirkîya de ana ya. Sibaroj wexto ke jo perskero di se serra 21’yinan de rewşa kurdî Tirkîya çawey bî, ma enî notan bimocnin ra.