Vatişê Hemsereka KCDyî Leyla Guvene ê ‘Kurdîstan’ ke qiseykerdişê xo yê Colemêrgî de vatbî bî mehneya cezaya zîndanî ê 5 serran
Hemsereka Kongreya Komela Demokratîke (KCD) Leyla Guvene seba ke vat ‘Birêz Ocalan’ û ‘Kurdîstan’ 2. Mehkemaya Cezaya Girane ya Colemêrgî de bi îdîaya ‘Propagandaya rêxistine’ kerda ameye muhakemekerdene û 5 serrî ceza ci rê ameye birnayene.
Mehkema mehneya cezaya 5 serran ke Guvene rê birna eşkera kerde.
Sebeb ‘Kurdîstan’ û ‘Rayber’ o
Mehneya ke ame eşkerakerdene de ame vatene ke Guvene seba ke vata ‘Kurdîstan’ û Rayberê PKKyî Abdullah Ocalanî sey ‘Rayberê ma’ bi name kerda raybazanê şîddetin û tehdîtan meşru kerda. Sewbîna ame vatene ke Guvene rê sucê ‘Propagandaya rêxistine’ ra ceza ameya birnayîş. COLEMÊRG
