Dadgeriya Înfazê ya Bûrsayê bersîv da serlêdana parêzeran a hevdîtina lezgîn û diyar kir ku der barê Ocalan de 2 cezayên dîsîplînê hatine birîn. Dadgeriyê diyar kir ku ji ber lêpirsînê dîsîplînê di 12’ê Cotmehê de dane Ocalan, 6 mehan nikare bi parêzeran re hevdîtinê bike. Dadgeriyê anî ziman ku 6 mehan cezayê hevdîtina parêzeran û 3 mehan jî hevdîtina malbatan dane Rêberê PKK’ê Abdullah Ocalan.
Buroya Hiqûqê ya Sedsalê, bi daxwaza ku bi muwekîlên xwe Rêberê PKK’ê Abdullah Ocalan ku li Girtîgeha Ewlehiya Bilind a Tîpa F a Îmraliyê di bin şertên tecrîdê de tê girtin û girtiyên din Omer Hayrî Konar, Hamîlî Yildirim û Veysî Aktaş re ‘hedîtina lezgîn” bikin serî li Dadgeriya Înfazê ya Bûrsayê dabûn.
