Rojnameya me Xwebûnê ya ku bi dîtbarî û nivîskî weşanê dike, bernameyek din li bernameyên xwe yên dîtbarî zêde kir
Rojnameya me Xwebûnê ya ku bi dîtbarî, nivîskî û Potcastê weşanê dike, bernameyek din li bernameyên xwe yên dîtbarî zêde kir. Xwebûn ji niha û şûnde dê her hefte bi bernameya ‘Panoramaya Heftane’ geşedanên di nava hefteyê de derkevin pêş bi xwîner û temaşevanên xwe. Rojnameger Elîf Can Alkan dê her hefte bi mijarên cuda, bernameyê pêşkêş bike. Rojnameya Xwebûnê nêzî 2 sal in bi awayekî heftane tê çapkirin. Ji demsala biharê ve dest bi weşanên dîtbarî jî kiriye. Xwebûn nêzî heft meh in her hefte bernameyên çand, ziman, dîrok, jin, piyase û şopên peyvan ên bi vîdeoyên dîtbarî amade dike û temaşevan û xwînerên xwe têkildarî mijarên navborî agahdar dike. Niha jî bernameya Panoramaya Heftane li bernameyan dîtbarî zêde kir.
