Vizêr şande ra nata di muxabîrê Ajansê Rojnewsî Berhem Letîf û Birwa Eshedî ra xeberêke nêameybî girewtene ke nawnayîşê wendekaran ê Silêmanî teqîb kerdêne. Ame zanayene ke wirdî muxabîrî tewrê di rojnamegeranê bînan wextê taqîpkerdişê nawnayîşê Silêmanî de ameyî destbendkerdene
2 muxabîranê Rojnewsî ra Berhem Letîf û Birwa Eshedî ra perey şanî ra nata xeberêke nêna girewtene ke nawnayîşê wendekaran ê Silêmanî teqîb kerdêne. Goreyê çend şahîdan hêzanê asayîşî nê muxabîrî destbend kerdê.
Ewro Sekreterê Şûbeyê Sendîkaya Rojnamegeran ya Silêmanî Karwan Enwer û Rayîrberê Merkezê Metro Rehman Xerîbî derheqê serebûtî de eşkerayî dayî Rojnewsî û dîyar kerdî ke wirdî muxabîrî hetê hêzanê asayîşî ra ameyî destbendkerdene.
Heto bîn de Merkezê Metro da zanayene ke wîşêrê di muxabîrê Rojnewsî di rojnamegerê kanalê Bexdadiye yê bi nameyê Ebas Mihemed û muxabîrê kanalê El Şerqiya Erebî Rajan Macidî zî ameyî destbendkerdene.
Rayîrberê Merkezê Metro Rehman Xerîbî dîyar kerd ke bado ke 4 rojnamegerî vînî bîyî ê cigêrayîş kerdî û dima ra vejîya raşte ke her çar rojnamegerî hetê hêzanê asayîşî ra ameyî destbendkerdene.
Xerîbî sewbîna vat ke ê derheqê babete de agahî dayî Ofîsê Hetgirê Serekwezîrê Herême Qubad Talebanî û ofîs înan rê vato ke Qubad Talebanî xeylê reyan hêzanê asayîşî ra waşto ke wa rojnamegeran gure ser de destbend nêkerî.
Rayîrberê Merkezê Metro da zanayene ê pawenê ke ewro her çar rojnamegerî serbest bêrî veradayene.
Rêveberê Navenda Metro da zanîn ew li bendê ne her çar rojnameger îro werin berdan.
Sekretere Şûbeyê Sendîkaya Rojnamegeran ya Silêmanî Karwan Enwerî zî vat ke seba veradayîşê rojnamegeranê destbendkerdeyan selahîyetdaran reyde pêvînayîşan virazenê. SILÊMANÎ
