Hetkara Hemserekanê HDPyî Îlknur Bîrole pare kerd ke beno ke weçînayîşo verwext bêro kerdene û HDP weçînayîşê verwextî rê amade yo.

Hetkara Hemserekanê Partîya Demokratîke ya Şaran (HDP) ya Karanê Weçînayîşî ra Berpirsîyare Îlknur Bîrole babeta ‘weçînayîşê verwextî’ ser o qisey kerd.

Bîrole da zanayene ke kombîyayîşê weçinîtoxan ra heta dayîşê rayan, asayîşê sîndoqan ra heta hûmaritişê rayan rêxistinîya înan nika ra amadekarîya xo kerde û vat: “Ma xebatêka biplane kenê. Seke weçînayîş menga nîsane de yo ma xebatanê xo temam kenê. Îqtîdar ho mîyanê krîzî de yo, ê zî zanenê ke do şorê. Ê do mejbûr bimanê ke weçînayîşê verwextî bikerê. Pêro xebatanê ma de ma ewnîyenê ameyoxî. Senî ke ma kongreya xo ra dima dest pê erdê xo kerd ma dest pê xebatanê weçînayîşî zî kerd.”

Îlknur Bîrole pare kerd ke ê xebatanê xo de girîngîye danê îradeyî ser ke weçînayîş de vejîyeno werte. Bîrole vat: “Wayîrvejîyayîşê îradeyê şarî qasê raydayîşî girîng o. Pêro rêxistinîya ma, xebatê ma nê esasî ser ê.” Çime: ANF