Di 20’ê Tîrmeha 2015’an de endamên Federasyona Komeleyên Ciwanên Sosyalîst (SGDF) dema xwestin pêlîstokan bibin ji zarokên Kobaniyê re û li pêş Navenda Çandê ya Amarayê ya Pirsûsê daxuyanî dan, DAIŞ’ê li dijî wan êrişeke xwekujiyê pêk anîbû. Di vê êrişê de 33 ciwan hatibûn qetilkirin. Danişina 21’emîn a doza derbarê vê êirşê de pêk hat. Piştî darizandinê heyeta dadgehê tenê li bersûc Yakûp Şahîn ê girtî dihat darizandin ceza birî. Heyetê biryar da ku dosyeya Îlhamî Balî û Denîz Buyukçelebî yên firar bê veqetandin û 34 caran cezayê muebeda giran û hezar û 900 sal ceza û 40 hezar TL cezayê pereyî li Yakûp Şahîn birî û dosyaya dozê girt.
Malbatan biryara dadgehê bi berzkirina dirûşmeyan û çepikan protesto kirin.
