Hêzanê PDKyî ke cehd kerd ke dewbikewê Şingalî, netîceya xoverdayîşê şarî de peyser agêrayî.

Îdareyê Xoserî yê Şingalî vizêr da pêhesnayene ke PDK pê hêzanê xo yê çekdaran cehd keno ke debikewo Şingalî û vat ê do çirey destûrê naye medê û xo bipawê. Dima ra ewro dormeyê Şingalî de saetanê serê sibayî de têgêrayîşê leşkeranê PDK û artêşa Iraqî qewimîya. Şarê Şingalî vera naye vejîya kuçeyan.

Şarê Şingalî ke vejîya kuçeyan heme rayîrê ke yenê Şingalî wesayîtan rê qefilnayî û vera hêzanê PDKyî çalakîya roniştişî kerde. Şarî da zanayene ke ê do qetî destûrê hêzanê çekdaran ê PDKyî nêdê. Netîceya xoverdayîşê şarî Şingalî de hêzê PDKyî peyser agêrayî. ŞINGAL