Balafirên şer ên Tirkiyeyê gundê Barê yê Şengalê bombe kirin. Piştî balafiran gund bombe kir, demek dirêj li ser ezmanê gund geriya. Di êrîşa hewayî de kesek birîndar bû. Nûnerên saziyên Şengalê û gel ji ber balafir demek dirêj li ser ezmanê gund geriya nikaribûn zû bi hawara birîndaran biçin. Welatiyên ku çûn li gund kom, bûn û birîndar rakirin nexweşxaneyê.
Xelkê Şengalê û nûnerên saziyan li cihê bûyerê daxuyanî dan û diyar kirin ku dê bi israr berxwedana xwe berdewam bikin. Nûneran anîn ziman ku dê tu êrîş nikaribe wan ji Şengalê derbixe.
Endama TAJÊ Neam Bedel diyar kir wan heya niha serî ji êrîşên dewleta Tirk û hevalbendên wê re netewandiye û dê netewînin.
Daxuyanî bi dirûşma, “Bijî berxwedana Şengalê” bi dawî bû.
