Heyetê HDP û OHDyî seba qetlîyamo ke vera keyeyê kurdî de Konya de virazîya do bikewo rayîrê Konya ser.

Qezaya Meramî ya Konya de faşîstanê AKP-MHPyî reyna hêrişê keyeyê kurdî kerd. Hêrişê faşîstan de 3ê înan cinîyî 7 kesî ameyî qetilkerdene. Keyeyo kurd Dedeogullari 12ê gulane de raştê hêrişê 60 nîjadperestan amebi û endamê keyeyî giranî birîndar bibî. Hêrişakaran reyna hêrişê keyeyî kerd. Hêrişê faşîstan de keyeyê Dedeogullarî ra 3ê înan cinîyî 7 kesî ameyî qetilkerdene û vêşnayene.

Hetkarê Hemserekê Pêroyî yê Partîya Demokratîke ya Şaran (HDP) Tuncer Bakirhan, Meclîsê Partî endamê (PM) Alî Ozkan û Leman Kîraz, parlementerê Êlihî yê HDPyî Mehmet Ruştu Tîryakî, Hetkarê Hemserekê Pêroyî yê Berpirsîyarê Komîsyonê Heqê Şarî û Huqûqî yê HDPyî Umît Dede û endam û avûkatê Komeleya Huqûqnasanê Azadîwaştoxan (OHD) şew Anqara ra kewtî rayîrê Konya.

Heyetê diyîne do serê sibayî bikewo rayîr

Saetanê serê sibayî de do Hemserekê Pêroyî yê HDPyî Mîthat Sancar, Verfeka Kongreyê Demokratîke yê Şarî Esengul Demîr, Sereka Pêroyî ya Keyeyê Şarî Nebîye Mertturk, Sereka Pêroyî ya Partîya Şorişgerî Elîf Torun Oneren, Hetkarê Hemserekê Pêroyî yê HDPyî Alîcan Onlu, Verfeka Partî Ebru Gunay,  Wekîlê Serekî yê Grûba HDPyî Saruhan Oluç, endamê MYK HDPyî Huseyîn Taka, Îlknur Bîrol û Sultan Ozcane şorî Konya. ANQARA