Polîs destûrê nadin ku rojnameger biçin navçeya Meram ya Konyayê ku duh nijadperestan li wir êrîşî malbata kurd kiribûn û 7 kes qetil kiribûn. Rojnamegerên ji derveyî bajêr xwestin biçin Konyayê û geşedanên der barê bûyerê de bişopînin polîsan ew asteng kirin.
Duh nijadperestan ji malbata Dedeogullari dayik Îpek, bav Yaşar, xwişk û bira Serpîl, Serap, Sîbel, Bariş û Metîn Dedeogullari qetil kiribûn. Şevê din cenazeyen wan ji bo otopsiyê rakiribûn Nexweşxaneya Bajar a Konyayê. Cenazeyê 7 kesan hêj li nexweşxaneyê ne. Dê cenazeye 7 kesan li Goristana Saraçoglu ya navçeya Karatayê bên definkirin.
