Parlementerê Partîya Demokratîke ya Şaran (HDP) yê Dêrsimî Alîcan Onluyî şewatê qezaya Mazgêrdî ya Dêrsimî berd rojdemê Meclîsî û seba ke Wezîrîya Zîret û Daristanan cewab bida ci vernîyazêk da.
Onluyî Mazgêrd warê zîretî yo û bajarekê ci Pêrî zî awe dano rençberan. Onluyî vist vîrî ke emser cara herême de zuwatîye esta û şewatan ra semed keda hemwelatîyan pûç bena.
Onluyî vat: ”Goreyê rençberan nika Mazgêrd de 10 cayan de şewat esto û heta nika erazîyê bi 300 doniman de şewat gêrîya binê kontrolî. Hemwelatîyan mi rê vat ke selahîyetdaranê Mudirîya Zîretî qetî xo nêresnayo înan.”
Onluyî vernîyazê xo de nê persî pers kerdî:
-Wezîrîye semedo ke verê şewatan bigêra û heqê zerarê rençberan bida xebatêke kena?
-Wezîrîye semedo ke mexdûrîyetê şewatî cibigêro heyetêk do awan bikera?
-Semedo ke Mazgêrd de îstasyonê îtfaîya bêro ronayene şima do xebatêke bikerê?-Herême de teyaraya hewnakerdişê şewatî esta? Eke çin a çira herêma şewatan de teyaraya winasêne çin a?
-Herême de heta nika çend şewatî qewimîyayî, çend erazîyan zerar dî û malîyetê zerarî çendek o?
