Gelek hunermend, rojnameger û nivîskar ji bo Peymana Stenbolê ya ku dê bi awayek fermî di 1’ê tîrmehê de bê rakirin banga xwedîderketinê kirin.

Ji lîstikvanan Ayşenil Şamlioglu, Denîz Çakir, Leyla Selen Uçer, rojnamevan Şîrîn Payzin, Meliîs Alphan, Ece Temelkûran û gelek navên din ên tên nasîn bi dîmen banga piştevaniyê kirin.

Jinan li ser hesabê xwe yê medyaya dijîtal banga xwedîderketina li peymanê kirin. Navê jinên ku ji aliyê mêran ve hatine qetilkirin bi lêv kirin û wiha gotin: “Peymana Stenbolê ji bo me tevan e. Ji bo Peymana Stenbolê tu jî deng bide.”