Li Wargeha Penabaran a Mexmûr ji aliyê Koma Hêviyekda a Saziya Çand û Hunerê ya Mexmûrê ve, şanoya bi navê ‘Ez ne dînim’ hate pêşkêşkirin.
Şano bi deqeyek rêzgirtin hat destpêkirin. Piştî rêzgirtinê Endamê Saziya Çand û Hunerê, Evdilrehman Kara xêrhatiya mêvanên amade kir û got ku em hêvîdar in ev şanoya me bi dilê we be. Piştî axaftinê Şanoya ‘Ez ne dînim’ hate pêşkêşkirin.
Şanoya bi navê ‘Ez ne dînim’ ku li salona konferansê hat pêşkêşkirin bi dehan şêniyên wargehê û li ser navê YNK’ê Nûnerê Qereçox a Navçeya Mexmûrê Xazî Feysel jî wek temaşevan li wir amade bûn.
Hêjayê gotinê ye ku ev şano ji helbesta Yusuf Hayaloglu ya bi navê ‘Ez ne dînim’ hatiye senaryokirin.
