Li gorî rojnameya The Daily Beastya ya DYA’yî rayedarekî Çînê ji welatê xwe reviyaye Amerîkayê û gelek agahiyên giring bi xwe re anîne. Li gorî wê çavkaniyê agahî der barê belavbûna vîrûsa koronayê de ne û peymangeha Wuhan ya ku bi belavbûna vê vîrûsê dihate tewanbarkirin. Li gorî tê gotin hin dosyayên girîng der heqê belavbûna Koronayê de di nav destê wî rayedarê de hene.
Tê gotin ku ev rayedarê çînî cîgirê wezîrê ewlekariya dewletê Dong Jingwei û keça xwe di nîvê meha sibata borî de dikaribû xwe bigihîne Washingtonê. Ji aliyekî din ve li gorî hin şîrovekarên siyasî tu bingeh ji van nûçeyan re tune ye û ew di çarçoveya şerê sar ê di navbera DYA û Çînê de tên servîskirin û belavkirin. Balkêş e ku rayedarên Çînê tu agahî an jî bersivek der barê vê îdiayê de belav nekirine.
